L’8 di Nuvembri di u 2018, u Prisidenti di u Cunsigliu Esecutivu di a Cullittività di Corsica, Gilles Simeoni, è SFR, raprisintatu da Alain Weill, Prisidenti Dirittori Ghjinirali di Altice France, ufficializavani l’avviu di a sparghjera di l’Altissimu Flussu in Corsica.

U pianu « France Très Haut Débit », chì hà par scopu di ricopra l’insemu di u tarritoriu in Altissimu flussu da quì à u 2023 prupunendu un accessu à un Internet putenti sin’à 1 Gbit/s, sparti a Corsica in dui zoni spiccati.

Pà a zona AMII (1) d’una banda, cumposta da i Cumuni di a CAB (Bastia), a CAPA (Aiacciu) è Biguglia, Orange hè l’uparatori accunciatori in Fibra

(1) Zona AMII : Zona d’Appellu à Manifistazioni d’Intinzioni d’Invistimentu (Chjamata dinò ZMD pà Zona di Dinsità Media)

A zona chì dipendi di a Reta d’Iniziativa Pubblica (RIP) da l’altra banda, cumposta da i 344 altri cumuni di Corsica, affidata à SFR pà sviluppà a Fibra, dopu à una cunsulta di l’Assemblea di Corsica di ghjugnu di u 2018 pà l’attribuzioni di sta Diligazioni di Sirviziu Pubblicu (DSP).

U finanziamentu hè assicuratu da :

Pà crià st’infrastruttura, invistimentu di primura pà u sviluppu di l’isula, SFR hà apartu Corsica Fibra, sucità didicata, mittendu 327 milioni d’auri u tempu di a diligazioni, affiancu à a Cullittività di Corsica cù 52 milioni d’auri in finanziamentu.

Stu prughjettu ambiziosu voli ricopra 100% di u tarritoriu corsu in Fibra Ottica in solu 5 anni. Da quì à u 2023 sarà un veru ritali di Racolta, di Trasportu è un culligamentu di 170 000 raccordi FTTH(1) chì sarani custruiti (fora di a Cumunità d’Agglumerazione di Bastia, a cumuna di Biguglia, è a Cumunità d’Agglumarazioni di u Paesi Aiaccinu) pà sviluppà a Fibra ind’è l’insemu di i 170 000 casi, stabulimenti pubblichi è impresi cuncirnati 74 NRO, 425 PM è 500 000 chilometri di fibra ottica sarani nicissarii pà a criazioni di sta Reta nova di Telecumunicazioni in Corsica.

Un prughjettu di più di 300 milioni d’auri incù più di 250 milioni d’€ d’invistimentu SFR FTTH

In corti paroddi, u prughjettu si scumponi cusì :

• A reta Strutturanti, stabilita da u Dipartimentu
• A reta di Culligamentu sin’à l’abbunatu, stabilita da Corsica Fibra.

Corsica Fibra t’hà in carica :

• A rializazioni di a reta di culligamentu in ogni cumuna
• A cummircializazioni
• A splutazioni di a reta

À partasi da u 2019, SFR hà da fà 4 Nodi di Raccordu Otticu (NRO) è hà da metta in opara 10 000 prisi in Cismonti è in Pumonti.

2019

• Arricata à a fini di u 2019 di i 10 079 primi presi
• Criazioni di 4 Nodi di Raccordu Otticu (NRO)
• Missa in opara di l’insemu di a reta di racolta cullighendu i 74 NRO

2020

• Criazioni di 17 NRO novi
• Arricata à a fini di u 2020 di 39 958 prisi novi.

2021

• Criazioni di 17 NRO novi
• Arricata à a fini di u 2021 di 40 057 prisi novi.

2022

• Criazioni di 18 NRO novi
• Arricata à a fini di u 2022 di 40 030 prisi novi.

2023

• Criazioni di 18 NRO novi
• Arricata à a fini di u 2023 di 39 945 prisi novi.

A reta Corsica Fibra – reta FTTH, ch’hà da essa istesa sin’à l’internu di l’alloghji (casi, impresi, amministrazioni, stabulimenti scularii, …) incù un flussu massimu di 1 Gbit/s, vali à dì 55 volti più rapidu cà a reta ADSL – sarà privistu da parmetta a presa in contu i custruzzioni d’alloghji novi privisti duranti u tempu di i travaglii.

A custruzzioni di a reta sarà rializata da impresi isulani è sin’à 290 impieghi sarani criati.

Pà fà i travaglii, l’impresi isulani spicializati in l’ingeniu civili è a custruzzioni di reti di telecumunicazioni sò mubilizati affiancu à Corsica Fibra. Cusì si sò accolti in un gruppamentu d’impresi animatu da CORSICA RETE TECHNOLOGIE (CRT).

Trà 125 è 290 impieghi, pà u più isulani è in l’impresi assiuciati è partinarii stabiliti in Corsica, sarani mubilizati in i prossimi cinqui anni, u tempu di a custruzzioni di a reta.

(2) FTTH : Fiber To The Home /a Fibra sin’à in casa

Listinu di i cumuni cuncirnati da i travaglii di sviluppu di a Fibra à partasi toccu 2019 :

Borgo, Lucciana, Ile Rousse, Belcodere, Monticello, Corbara, Santa Reparata Di Balagna, Bastelicaccia, Grosetto-Prugna, Cauro, Albitreccia, Pietrosella, Vescovato, Monte, Venzolasca, Sorbo-Ocagnano, Penta Di Casinca.

“Chì hè a pulitica d’assestu d’Altu Flussu è d’Altissimu Flussu di a Cullittività di Corsica ?

A pulitica d’assestu Altu Flussu di a Corsica hè principiata trà u 2000 è u 2005, pà sbuccà in u 2005 nant’à a Diligazioni di Sirviziu Pubblicu pà a reta à Altu Flussu di a Corsica affidata à « Corsica Haut Debit » filiali à 100% di a sucità Orange. Sta Diligazioni di Sirviziu Pubblicu cumpiarà in u 2015 è intrarà in u patrimoniu di Corsica Fibra.

In u 2006, u sforzu hè statu mantinutu incù l’acquistu di cavi sottumarini trà Bastia è Menton. Ani parmissu di rompa u munupoliu nant’à i reti Corsica-Cuntinenti è di fà calà i prezzi di sti lei di circa 60%.

In u 2012, incù u Schema Dirittoriu Tarrituriali di l’Assestu Numericu, una stratighjia vuluntarista hè stata affirmata pà ciò chì tocca à l’Altu Flussu è à l’Altissimu Flussu. A CTC si dichjarava tandu da capifila di l’assestu numericu di a Corsica. Tuttavia, sta vulintà palisata in u SDTAN di Corsica hè stata attimpata duranti più di 4 anni trà u 2012 è a fini di u 2015. Stu piriodu ùn hà micca parmissu di metta in anda i cantieri chì a Corsica abbisugnava, par un dettu pà u migliuramentu di l’Altu Flussu. Stu ritardu hè statu dannosu pà i tarritorii campagnoli è muntagnoli, ritardendu numarosi iniziativi è prughjetti. Sempri oghji, a Corsica ni pati i cunsiquenzi.

À partasi da u principiu di u 2016, u cantieri d’Altu Flussu è d’Altissimu Flussu hè statu scrittu in i priurità di u Cunsigliu Esecutivu di Corsica è da prugramma strateghjicu priuritariu pà a nostra isula. L’esecutivu hà vulsutu rinfurzà l’ambizioni mustrati in u SDTAN : a Cullittività s’impegna pà rimpattà u so ritardu ind’è l’assestu di l’Altu Flussu è di l’Altissimu Flussu di a Corsica.

In u 2016, quasgi 90 milioni d’auri sò stati scritti in u bugettu di a Cullittività Tarrituriali di Corsica pà rializà in 5 anni, 2 cantieri impurtanti : quiddu di u migliuramentu di l’Altu Flussu in i nostri rughjoni chì pattini d’una dibbulezza di flussu nant’à ADSL è quiddu di u sviluppu di l’Altu Flussu intornu à a Fibra Ottica à l’abbunatu (FTTH) ind’è l’insemu di i tarritorii ancu cuparti da l’iniziativi di l’uparatori privati (fora di a CAB, Biguglia è a CAPA).

Dui dilibarazioni di l’Assemblea di Corsica validavani l’iniziu uparaziunali di i grandi prughjetti d’invistimentu di a Cullittività :”
di lugliu 2016, a dilibarazioni n°16/173 AC ritinia a missa in opara di a prima tappa di u Schema Dirittoriu Tarrituriali di l’Assestu Numericu di Corsica,
di sittembri 2016, a dilibarazioni n°16/174 AC vutava u principiu di a Diligazioni di Sirviziu Pubblicu chì tocca à a cuncipitura, à a missa in opara è à a sfruttera di a reta Altissimu Flussu pà a Corsica.

Dapoi, a Cullittività hà attribuitu u marcatu di i travaglii pà u migliuramentu di l’Altu Flussu è a crescita in flussu. I primi travaglii cuminciarani da quì à a fini di l’annu pà un invistimentu di circa 20 M€. A DSP chì tocca à a reta Altissimu Flussu di a Corsica hè in anda.

À listessu tempu a Cullittività di Corsica intarveni in favori di i casi assai scantati chì ùn ani micca raccordu Altu Flussu filari incù u so prugramma « Sulidarità Numerica ». S’impegna in u sittori di a tilifunia mobili da assicurà una cupartura più bona di a Corsica.

Di vaghjimu 2018, a CFC hà missu in baddu una cunsultazioni maiò da ripiglià u Schema Dirittoriu Tarrituriali di l’Assestu Numericu di Corsica pruduttu in u 2012 è rinfurzatu ambizioni novi in i duminii di l’Altu Flussu è di l’Altissimu Flussu, ma ancu pà ciò chì tocca à a trasfurmazioni numerica di a sucità isulana.

Parcorsu di “Smart Island”