Pà i palazzi
Prima di tuttu, una cunvinzioni di palazzu devi essa firmata trà a cupruprietà, u pruprietariu è Corsica Fibra. Sta cunvinzioni parmetti tandu à Corsica Fibra d’integrà a risidenza in u pianu di sviluppu.
I 6 tappi chì portani à a fibra ottica!
1) Difinizioni di i mudalità d’accessu à u palazzu
Corsica Fibra è u gistiunariu di u palazzu difiniscini i mudalità d’accessu à u palazzu pà u studiu tecnicu, i travaglii è u mantinimentu.
Corsica Fibra dà l’indirizzu di u palazzu da pudè apra i sirvizii di l’uparatori cummirciali.
2) Visita è rializazioni d’un studiu tecnicu
Corsica Fibra faci u studiu tecnicu di u palazzu nanz’à i travaglii. Teni contu di i particularità di i spazii cumuni pà difiniscia i travaglii. U spartitempu di i travaglii è u cartulari tecnicu sò trasmessi à u gistiunariu di u palazzu pà una validazioni in una quindicina di ghjorni.
3) Rializazioni di i travaglii incù arti è maestria
Rializazioni di i travaglii incù arti è maestria
Ci voli à cuntà una media di 2 ghjorni di travagliu pà ogni purtò di palazzu. Un quatru riculamintariu strettu gestisci a rializazioni di i travaglii. Si faci:
-ind’u rispettu di i reculi di mutualizazioni dicisi capunanzu;
-ind’u rispettu di i normi in anda, i reculi di sicurità è di salubrità;
-Ind’u rispettu di l’ambienti è di a pulizia di u palazzu, accantendu è nittendu ogni ghjornu
-Ind’u rispettu di l’estetica di i parti cumuni, via una utilizazioni di l’infrastrutturi dighjà prisenti dispunibuli”
4) Cartulari d’Opari Esecutati
Corsica Fibra, à a fini di i travaglii cuncipisci u cartulari di l’opari esecutati
5) Preallistimentu di a risidenza
Una volta i travaglii compii, si dici chì a vostra casa hè “preallistita”. Tandu hè pronta à essa culligata à u ritali d’accessu cumunali, da ch’eddu ghjugni.
6) A criazioni d’abbunamentu à un Furnitori d’accessu Internet
Una volta u ritali apartu à l’FAI (Furnitori d’Accessu Internet), vi firmarà à cuntattà ni unu, prisenti nant’à u ritali, da pudè binifizià d’un abbunamentu à a Fibra ottica.
Ritruveti u listinu di l’FAI prisenti nant’à a reta, in a rubrica Lucalizà mi.
Pà i casi particulari
A fibra in 4 tappi…
1
Pruveti a vostra elighjibilità
2
Piglieti cunniscenza di l’FAI
(Furnitori d’Accessu à Internet)
3
Piglieti un abbunamentu fibra ottica
4
Eccu, seti in linea !
A fibra hè lestra, chjappetila !
1) Fourreau
2) PBO (Point de Branchement Optique)
3) Vers PM (Point de Mutualisation)
Pinseti à una suluzioni da chì a Fibra ghjugnissi in casa vostra!
Sè a vostra casa hè culligata sottu tarra (via un stucciu), assicuretivi ch’eddu sia accessibili dapoi u puntu di brancamentu otticu (PBO) chì si trova in un botu o una camara in u vostru carrughju, sin’à l’internu di a vostra casa. U più spessu hè a suluzioni chì hè dighjà stata scelta da a reta telefonica chì ghjova à a fibra.
